Bitxikerien ibilbide honi hasiera emateko, Elorrioren izena nondik datorren azalduko dizugu. Euskaraz, elorria zuhaitz-mota bat da, eta zuhaitz horretako fruitu gorriak izendatzeko ere erabiltzen da termino hori. 

 Inguruan, elorri-zuhaixka ugari daudenez, Elorrio (elordia) izena jarri zioten. Hori dela eta, hiribilduko armarrian, elorriaren hostoa agertzen da gazteluaren siluetaren alboan. 

Bi ikonoak elkarrekin agertzen direnez, badirudi udalerriko ondare kulturala eta naturala nabarmendu nahi dutela. 

Kanpokaleko Ateraino hurbiltzen bazara, San Pio kalean, horrelako hostoak ikusi ahal izango dituzu, baita harresi zaharrean zutik geratzen den ate bakarra ere.