Bisita Gidatuak Elorrion

elorria

BISITA GIDATUAK | AUKERATU ZUREA

Taldeentzako bisita gidatuak nahieran. Euskaraz edo gazteleraz.

Taldeentzako nahierako planak antolatzen ditugu. Bisita gidatuak egiteko, esperientziak eta abenturak bizitzeko eskaintzen dizkizugun aukera interesgarrien artean hautatu bat eta erabaki bazkaltzen edota lo egiten geratuko zaren. Zure taldearen neurrirako plana osatzen lagunduko dizugu txangoa ahaztezina izan dadin.

ELORRIO -Jauregia-Arespakotxaga

KALETARRAK

Zatoz!

Egin dezagun pasieran Elorrioko hirigune historikoko kaleetan zehar. Hiribildu txikiaren sorrera ezagutuko dugu, eta nola hazi zen harresiez gaindi errebal berrietara bizitza eramanda. Elorrioko familia boteretsuez mintzatuko gara, merkataritzak aberastuta armarri dotoreko jauregien legatu baliotsua utzi zutenez, edo Sortzez Garbiaren basilika ederraz eta iturriez, gurutzeez eta kondairez…Iraganetik orainaldirako bidaia txikia, erraz emango dizuna ezagutzera Elorrioko aberastasun harrigarria.

MOTA

Hiri-ibilbidea

IRAUPENA

90 min

TOPAGUNEA:

Turismo Bulegoa

argiñetako nekropolia elorrio

ARGIÑETAKO ALTXORRAK

Elorrioko inguruetan, Zenita auzoan, San Adrian baselizaren inguruko haritz zaharren artean, Argiñeta nekropolia dago. Era horretako hilobi-multzorik garrantzitsuena da Euskal Herrian. Zatoz bertako magia partekatzera eta ezagut itzazu paraje mistiko eta xarmagarri honetako sekretuak, esaterako, VII. eta IX. mendeen arteko hogei bat sarkofago eta izar-erako ikonografia duten bost hilarri.

MOTA

Monumentala

IRAUPENA

45 min

TOPAGUNEA:

Argiñetako Nekropolia

BASILIKAREN BARRENAK

Sortzez Garbiaren basilika hiribilduko ondare artistikoko monumentu aipagarrienetako bat da, baita Euskal Herri osoko arkitektura erlijioso errenazentistako bikainenetakoa ere.

Bizkaiko handiena da, duen bolumenagatik, eraikinaren kalitate altuagatik eta barrualdeko altzarien aberastasunagatik. 

Bisita honetan Basilikaren sekretuak sakon ezagutuko ditugu.

MOTA

Monumentala

IRAUPENA

90 min

TOPAGUNEA:

Turismo Bulegoa

ELORRIOKO “BARRIOAK”

Etorkinek eraikitako herria 

Trena Elorriora fabriketan lan egitera iritsi ziren migratzaile askoren iristeko moduan izan zen. Eta hainbat langile-auzo eraiki behar izan ziren herriaren kanpoaldean, hazten ari zen biztanleriarentzat: LINCE, Belerin, IRE, 40 etxeak, San Luis, Lourdes eta abar.
Ibilbide gidatu honek aukera paregabea eskaintzen digu hiribilduko ondare ezezagunena ezagutzeko: ondare industriala eta langileen auzuneak. 

MOTA

2km ibilbidea

IRAUPENA

150 min

TOPAGUNEA:

Turismo Bulegoa

ELORRIO ZURE ERARA HAUTEMAN

Bisita gidatuen helburua esperientzia paregabeak eta gogoangarriak eskaintzea da. Pertsona batzuek nahiago dugu zuzenean igarri argia, zabaltasuna, uraren ukimena bezalako sentsazioak, edo izerdia bota behar dugu besteen ahalegina sentitzeko. Horregatik, ezgaitasun intelektuala dugun pertsonok Elorrioko arteaz eta historiaz hainbat pertzepzio-kanaletatik gozatzen dugu, eta normalean ez zaizkigunez bisita gidatu tradizionalak iristen, aukera honetan beste modu batean kontatzen digute.

MOTA

Ibilbide egokitua

IRAUPENA

60 min

TOPAGUNEA:

Turismo Bulegoa

Crucero Santa Ana Elorrio

GURUTZEEN BIDAIA

XVI.mendeko bederatzi gurutze daude gaur egun Elorrion. Batzuk Kurutzebarri, Kurutzondo, Ganondo eta Txanberikoa, herrigunetik irteten diren bideetan daude eta landa-ingurunearekiko mugak ezartzen dituzte. Mugarri urbanistiko horiek litekeena da erreferentzia gisa erabili izana, garai batean izurria zabalduz gero, osasun zerrenda bat osatzeko. Alabaina, debozio-irudi eliztarren euskarri izan ziren batez ere, eta haiei gomendatzen zitzaizkien bidaiariak, harresiak ematen zien babesetik irteten zirenean.

MOTA

Ibilbidea

IRAUPENA

2 h

TOPAGUNEA:

San Agustin

Elorrio

BISITA GIDATUAK | OHIKO ZALANTZAK

Zein motatako bisita gidatuak daude?

Bisita publikoak eta pribatuak daude eskuragarri. Publikoak epe jakin batzuetan zabaldu ohi dira eta prezio murriztuagoa dute. Pribatuak nahieran erreserba daitezke eta bisitari kopuruaren araberako prezioa izango dute. Galde iezaguzu.

Noiz egin daitezke bisitak?

Bisita publikoak denboraldi altuetan eskaini ohi dira: Aste Santua eta Uda. Sare sozialetan eta emailez zabalduko dugu deialdi bakoitzari buruzko informazioa.

Bisita pribatuak urte osoan zehar egin daitezke, beti ere zerbitzuaren eskuragarritasunaren arabera.

Zein ordutan dira bisita gidatuak?

Bisita publikoetarako ordutegi bat finkatzen da. 

Bisita pribatuetan bisitariek aukeratzen dute ordutegia, beti ere Turismo Bulegoaren ordutegia errespetatuko delarik.

Talde edo erakundeentzako bisita gidatuak egin daitezke?

Bai, bisita pribatuak familian nahiz taldean egiteko pentsatuta daude. Gehienezko kopurua 20-25 lagun izaten da, bisitaren arabera. Galde iezaguzu.

Nola egiten dut erreserba?

Hurrengo galdetegia bete beharrezko informazioa izan dezagun eta guk erantzungo dizugu eskuragarritasuna konfirmatzeko. Galdetegia bidaltzeak ez du zuzenean erreserba konfirmatutzat emango.

Nahiago baduzu, Turismo Bulegoarekin harremanetan jarri zaitez telefono edo emailez.

Nola egiten da ordainketa?

Ordainketa bisita gidatua egin aurretik egiten da. 

Soilik txartel bidez egin dateke. Ordaiketa banaka zein taldeka izan daiteke.

Erreserba eskaria

logo-elorrio-turismo

NEGUKO Ordutegia

Irailaren 1etik - maiatzaren 31ra

Astelehena: itxita
Asteartetik Ostiralera:
10:00 - 14:00
Larunbata eta jai egunak:
10:00 - 14:00 eta 16:00 - 18:00
Igandea: 10:00 - 14:00

TURISMO BULEGOA

Berrio-Otxoa kalea, 1
48230 Elorrio (Bizkaia)

SARE SOZIALAK

Turismo Etikoa Euskadi
×