Berriozabaletako Iturria
Bere egilea, Manuel Plácido de Berriozabalbeitiak, gora eta gora egin zuen goi-mailako gizartean, harik eta Peruko erregearen epaile izatera iritsi arte. Maria Alvarez de Foronda eta Mendive Xara Berrio anderearekin ezkondu zen. Kreolar familia honekin elkartzeak Vallehermoso eta Casapalmaren konte tituluak emango zizkion.
Iturria Ameriketatik etorri ondoren eraiki zuenez, jende askok pentsatu izan du inka estilokoa dela. Are gehiago, banan banan Perutik ekarritako harriekin eraikia izan zela ere pentsatu izan ohi da, bere emaztearen herrimina apaltzeko asmoz. Hori bai maitasun keinua!
Bai monumentua bai bertaraino doan bidea zoragarriak dira benetan. Iturriak eta garbilekuak osatzen dute monumentua; terraza erdi-zirkularren erdian dago kokatuta, eta Urkiolako mendien ikusmira zoragarria dago bertatik. Auzoko elkargunea izateko antzokia dirudi.
Berriozabaleta iturria une berezietarako leku paregabea da. Ilunabar eguzkitsuan, Urkiola mendizerrako mendien aurrean, zelaiz eta basoz inguratutako harrizko uharte hau irudimena askatzeko leku ezin hobea da…
MANUEL PLÁCIDO DE BERRIOZABALBEITIA
Manuel Plácido de Berriozabalbeitia (Elorrio 1775 – Madril 1850) Berriozabaleta auzoko Berriozabalbeitia baserrian jaio zen. Ikasketak amaitu ondoren, Peruko Administrazioan lortu zuen lanpostua, eta, bertan, lan-ibilbide arrakastatsua egin zuenez, herrialde haren independentziaren negoziaketan ere parte hartu zuen. Lima, Cuzco eta Charcasko auzitegietako epailea eta Elorrioko mezenas handiena izan zen.
Penintsulara itzuli ostean, 1828. urtean, bere ondasunak administratu eta familiari lagundu zion. 1832tik 1833ra, iturriranzko bidearen ezkerraldean kokatutako jauregia eraiki zuen. Lehenengo obra hori asmo handiagoko beste proiektu baten hazia izan zen. Hartara, jauregiaren ostean, Berriozabaletako iturria edo Maitasunaren iturria eraikitzea eta zimenduetatik berreraiki zuen Santa Katalina baseliza zaharra lekualdatzea erabaki zuen.
Manuel Plácidok lanak ordaindu zituen, baina, horrez gain, osteko ekarpen handiak ere egin zituen, behar den moduan artatuta egon zitezen. Ageri-agerikoa zen indianoak interes zein izpiritu landu bezain ilustratua zeukala, bere herrikideen bizi-baldintzak hobetu nahi zituela, jaiotza-leku izandako auzunearen itxura formala duindu nahi zuela eta bere oroimen ona betikotu nahi zuela.
Informazioa Zabalduz…
Iturriari buruzko fitxa
ITURRIA: Bizkaiko Foru Aldundia eta Elorrioko Udala
Berriozabaletako Iturria
TESTUA: Felicitas Lorenzo
Beste proposamen batzuk…
BISITA GIDATUA
Elorrioko kaleak sakonki ezagutzeko bisita gidatua
BERRIO-OTXOA IBILDIDEA
Berrio-Otxoako San Balentineri buruzko ibilbidea Elorrion zehar
NATURBIDEAK
Elorrioko nekazal auzoetatik ibilbideak
ARGIÑETAKO NEKROPOLIA
Euskal Herriko Erdi Aroko hilobi-multzo garrantzitsuena.
NEGUKO Ordutegia
Irailaren 1etik - maiatzaren 31ra
Astelehena: itxita
Asteartetik Ostiralera:
10:00 - 14:00
Larunbata eta jai egunak:
10:00 - 14:00 eta 16:00 - 18:00
Igandea: 10:00 - 14:00
TURISMO BULEGOA
Berrio-Otxoa kalea, 1
48230 Elorrio (Bizkaia)
SARE SOZIALAK
