Luzera desberdineko ibilbide hauei esker, Elorrioren aberastasun naturala, kulturala eta paisaiakoa ezagutzeko aukera izango dugu. Zeharkatu itzazu Elorrioko auzoak elkarrekin lotzen dituzten bide zaharrak! 

Elorrioko auzoen zehar ibilbideak 

Naturbideak ibilbide-sare bat da. Sare horren bidez, Elorrioko udalak udalerriko natura, kultura eta paisaia ezagutarazi nahi ditu, oso aberatsak baitira. Ibilbide sare hori udalerriko auzune gehienetatik igarotzen da eta hainbat ibilbide jartzen ditu ibiltarien eskura.

Ibilbide interesgarri batzuk proposatzen ditugu auzo horietan barrena. Ibilbideok bertsio laburragoak edo herrigunerako bidezidorrak dituzte, txikiek, adinekoek edota ibiltzeko ohiturarik ez dutenek egin ahal izan ditzaten.

Ibilbideak historiaz, etnografia-ondasun handiko elementuez eta aparteko natura –eta paisaia- edertasunez beteriko tokietatik igarotzen dira.